តើអ្នកដឹងទេថា គ្រឿងទេសដែលអ្នកប្រើប្រាស់នៅក្នុងផ្ទះបាយរាល់ថ្ងៃអាចជួយដោះស្រាយស្នាមសង្វារបាន? ស្ករ និងអំបិល មិនត្រឹមតែជាគ្រឿងទេសសម្រាប់ធ្វើឲ្យអាហារកាន់តែមានរសជាតិឆ្ងាញ់ប៉ុណ្ណោះទេ ថែមទាំងជាឱសថដ៏ល្អក្នុងការកម្ចាត់ស្នាមសង្វារឲ្យបាត់ជារៀងរហូតបានថែមទៀត។
គ្រឿងផ្សំ៖
– អំបិល ២៥០ក្រាម
– ស្ករ ២៥០ ក្រាម
– ប្រេងដូង ១០០ ទៅ ១៥០មីលីលីត្រ (ប្រសិនបើអ្នកមិនមានប្រេងដូងទេ អាចប្រើប្រេងអូលីវជំនួសបាន)។
របៀបផ្សំ៖
– លាយគ្រឿងផ្សំទាំងអស់នេះលាយបញ្ចូលគ្នា ឲ្យក្លាយទៅជាល្បាយខាប់ៗក្នុងរយៈពេលកន្លះម៉ោង។
– ចាប់ផ្តើមអនុវត្តល្បាយនេះនៅត្រង់កន្លែងដែលកើតមានបញ្ហា ហើយម៉ាស្សាឲ្យបាន ២ ទៅ ៣នាទី។
– ពេលដែលស្ងួត សូមលាងសម្អាតជាមួយនឹងទឹកក្តៅឧណ្ឌៗ។ បន្ទាប់ពីជូតសម្អាតហើយ កុំភ្លេចប្រើក្រែមផ្តល់សំណើមដល់ស្បែកតាមក្រោម។
ជាធម្មតាត្រូវចំណាយពេលជិត ១ខែ ស្នាមសង្វារនឹងចាប់ផ្តើមបាត់បន្តិចម្តងៗ។ ប៉ុន្តែកុំទាន់ឈប់ប្រើប្រសិនបើអ្នកកត់សម្គាល់ឃើញលទ្ធផល ព្រោះការព្យាយាមប្រើបន្តទៀតស្នាមសង្វារនឹងបាត់ទាំងអស់ស្រុង៕
No comments:
Post a Comment